|
Hustisya para kay Pastor Isaias at sa
lahat na biktima ng terorismo ng estado!
Mariing kinukondena ng Bagong
Alyansang Makabayan Bikol, mga militanteng organisasyon at
progresibong partylist ang paspaslang kay Pastor Isaias Sta Rosa ng
mga elemento ng death squad ng Military Intelligence Battalion ng 9th
Infantry Division Philippine Army.
Si Sta Rosa ay Pastor
ng United Methodist Church (UMC) South Bicol District. Sa
kasalukuyan, sya ay Executive Director ng Farmer’s Assistance for
Rural Management Education and Rehabilitation Inc. isang
Non-Government Organization na tumutulong sa mga magsasaka upang
mapataas ang kanilang kabuhayan.
Matagal nang aktibo si Pastor Sta
Rosa sa paglilingkod sa mga inaapi at pinagsasamantalahan mula pa sa
kanyang pagkabata dahil ipinamulat sa kanya ng kanyang mga magulang
na kapwa Pastor rin ng UMC.
1985 sya’y naging
panrehiyong istap ng Kilusang Magbubukid ng Bikol hanggang maging
Project Manager ng San Isidro Labrador Institute (SILI) isang NGO ng
mga manggagawa sa kabikolan mula 1993-1995.
Hindi palaimik si
Pastor Isaias, subalit malalim at matalinhaga ang kanyang mga
binibitiwang mga salita sa kanyang mga kasamahan sa trabaho.
Mabuting ama si pastor sa kanyang 4 na supling na sina demdem (17),
miko (14), Philip (9 special child) at karlo (5).
Agosto 3, bandang
alas 8:00 ng gabi natapos ang kanyang buhay sa pamamagitan ng 6 na
tama ng baril sa kanyang paa, hita at dibdib. Binaril sya ng mga
elemento at death squad ng Military Intelligence Battalion sa ilalim
ng 9th Infantry Division sa likuran (50 meters ang layo)
ng kanilang bahay sa Brgy. Malobago, Daraga Albay.
Pahayag ng nakababatang kapatid
Ayon kay Rey,
nakababatang kapatid ng biktima, bandang alas 7:30 ng gabi ng Agosto
3, 2006, kadarating pa lang niya mula sa trabaho, akmang maghuhubad
siya ang kanyang sapatos nang bigla na lamang siyang tutukan ng
isang armadong lalaking nakabonet, pinadapa pati ang bunsong kapatid
nilang si Owie at hinahanap ang pangalang Elmer. Sinabi nitong
walang Elmer doon. Si Owie ay tumingala, subalit pinukol siya ng
dulo ng baril sa mukha, na tumama sa kanang bahagi ng kanyang kilay.
Kaya hindi na lamang umimik ang dalawa.
Kinuha si Owie ng
isang armadong nakabonet, tinutukan at pinakatok sa bahay ni Pastor
Isaias. Ang bahay ng magkapatid na Rey at Owie ay 5 meters lamang
ang pagitan sa bahay ng biktima.
Pinagbuksan naman ni
Sonia, (asawa ng biktima) ang bayaw. Biglang pumasok ang 3 armadong
nakabonet at pinadapa ang mag-iina (nasa kanilang salas ang mag-anak),
samantalang biglang hinalbot si Ptr. Isaias at iniumpog sa upuang
kawayan. Ipinasok ang mag-iina sa silid ng mag-asawa, kasama si
Owie, samantalang si Ptr. Isaias naman ay ipinasok sa silid ng
panganay na anak nitong si Dem-dem. Naririnig nila na ginigiit ng
mga armado na siya si Elmer na pilit namang itinatanggi ni Isaias.
“ Tingnan ninyo ang aking ID, hindi ako si Elmer!”, pagpipilit na
sabi ni Isaias. Nakita ni Dem-dem ng talian nito ang ama, dahil
pinapakalma niya ang kapatid na si Philip (special child) na
naghuhumiyaw.
Nangpinapasok si Rey
sa bahay, nagkasalubong sila ng kapatid na si Isaias na siya namang
inilabas ng bahay. Nakita niyang nakatali ng nylon wire ang
mga kamay ng kapatid at duguan ang kamay. Ipinasok din siya sa
silid kasama ang iba pang kasambahay at isinara ang pinto.
Nakiramdam
sila nang matantyang wala na sa loob ng bahay ang mga armado at si
Isaias, lumabas si Sonia at nagsisigaw sa mga kapitbahay para
humingi ng tulong. Kaagad namang nagresponde ang mga kapitbahay,
maya’t maya nakarinig sila ng siyam (9) na putok. Magkakasama nilang
tinuntun ang pinagmulan ng putok, at natagpuan nilang wala nang
buhay si Isaias sa may ilog bandang likuran ng kanilang bahay na may
tantyang layong 40-50 meters. Nagtamo ito ng anim na tama, 1 sa paa,
2 sa hita at 3 sa dibdib.
Malapit sa
kinatagpuan kay Isaias, natagpuang ding patay ang isang lalaking
nakabonet. Nang sipatin ito ni Rey, at mga kabarangay, nakitaan
nila ito ng ID ng Philippine Army na nagngangalang Corporal Roger
Pastrana, malapit sa kanya ang isang kalibre 45 na may “silencer”.
Natagpuan din sa katawan nito ang cellphone ng anak ni Isaias na
iniwan ng bata sa ilalim ng kanyang unan sa kwarto na kung saan
ipinasok ang ama. Nakita rin kay Corporal Pastrana ang Mission Order
na pirmado ni Major Earnest Mark Rosal ng Camp Martillana sa Pili
Camarines Sur.
Ayon kay Rey mabilis
ang pangyayari at tinatanya nilang 30 minuto lamang ang itinakbo ng
pangyayari. Kinuha sa kanila ang 5 cell phones, laptop computer,
printer at bag ni Isaias na may lamang mga papel na may kaugnayan sa
kanyang trabaho sa institusyon.
Si Pastor Sta Rosa
ay pang 104 na pinaslang sa ilalim ng pasistang rehimen ni Arroyo sa
Bikol, pangawala sunod kay Rei Mon Guran ngayong linggo. Samantalang
pang-720 pinaslang sa buong bansa.
Ptr. Isaias Martir ng Bayan! Hustisya para kay Isaias!
Hustisya sa lahat na biktima ng Terorismo ng Estado!
Gloria Arroyo Berdugo, PATALSIKIN!
|
