|
August 28, 2006
Pahayag sa Midya
Sanggunian: Jose
Pernia
Regional
Coordinator
Jariz Vida,
Inaresto!
Biktima ng Pandarahas
at Panunupil ng Estado sa kanyang mga Kritiko!
Matapos harangin at
tuluyang ibasura sa justice committee ng kongreso ang walong (8)
impeachment case na isinampa ng iba’t-ibang grupo, organisasyon, mga
pari at politiko, gusto pa ring makasiguro ni Gng. Arroyo sa kanyang
pwesto.
Bilang tugon, mas
pinatitindi ang pandarahas, panunupil at paglabag sa karapatang
pantao. Tuloy-tuloy ang iligal na pag-aresto, pandurukot at
pamamaslang sa lahat ng kanyang mga kritiko.
Si Jariz Vida,
Pankalahatang Kalihim ng Bayan Muna sa Camarines Sur ay hinuli sa
loob mismo ng kanyang bahay kahapon (Linggo Agosto 27, 2006) matapos
ang kanyang programang ”Pamana ng Lahi” sa DZGE isang
istasyon ng radyo sa Canaman, Camarines Sur.
Siya ay hinuli dahil sa
malisyosong akosasyon na diumano siya’y isang NPA. Walang kahihiyang
ginamit ng AFP ang korte ng siya ay sampahan ng kasong frustrated
murder. Ang naturang kaso ay resulta ng ginawang pagsasangkot kay
Vida sa diumano’y atake ng mga NPA sa Bicalen, Presentacion noong
Hulyo 14, 2005. Ang petsa na kung saan katatapos pa lamang ng 3 araw
na caravan ng mga bikolano papunta sana ng maynila subalit hinarang
at pinigilang makaalis ng TMG-Bikol kasama ang buong pwersa ng
AFP/PNP sa Camarines Sur. Si Jariz ang isa sa naging lider ng
tatlong araw na caravan.
Luma at matagal ng gimik
ng rehimeng Arroyo ang pagkaso sa kanyang mga kritiko. Ito lamang
ang naiisip na paraan ang peke at papet na pangulo upang takutin at
pahinain ang loob ng sinumang maghangad ng katotohanan sa likod ng
kanyang pakikipag-usap kay Garcillano at malawakang pandaraya noong
2004 eleksyon, korupsyon at pamamaslang sa hanay ng aktibista at
mamamayan.
Si Jariz Vida ay masugid
na kritiko ni GMA. Sa katunayan, isa siya sa nagsampa ng impeachment
case kay PGMA noong buwan ng Hulyo.
Sampal sa mukha ni GMA
ang 10 week deadline at Melo Commission na pawang binuo at
pinagmayabang ni GMA upang solusyunan ang serye ng patayan sa hanay
ng aktibista at mamamayan. Malinaw na ngayon sa mamamayan na ang
pamahalaan gamit ang AFP/PNP at paramilitary groups ang nasa likod
ng pagpaslang, pambubusal at panunupil.
Inaresto si Jariz sa
kabila ng kawalang imbestigasyon at ”due process of law”. Hindi siya
binigyan ng pagkakataon marinig ang kanyang panig.
Mas lalong nararamdaman
ngayon ng mamamayan ang bigwas ng 2 taong palugit ni GMA na
diumano’y paglipol sa mga terorista at NPA. Malinaw ang mensahe ng 2
taong deklarasyong ito ni GMA. Ang inilulunsad na gyera ng
pamahalaan ay gyera laban sa mga kritiko ng pangulo at kumukontra sa
kanyang pamamalakad.
NPA ang turing ng
gobyernong ito sa sinumang naghahanap ng katotohanan, pagbabago at
hustisyang panlipunan.
Ang pandarahas kay Jariz
Vida ay mas lalong magbibigkis at magpapalakas sa mamamayang sawa na
sa isang pangulong punong-puno ng kasinungalian, pandaraya,
pandarahas habang patuloy ang malawakang kahirapan ng mamamayan.
ITIGIL ANG
PAMPULITIKANG PANUNUPIL!
JARIZ VIDA, PALAYAIN! |
